minkultrb.ru мэдээсэнэ

Добавлено: 28.02.12, 23:08 +0000

ХҮЙТЭН ОРОНООР ХАЛУУН УУЛЗАЛГАНУУД

Буряад Республикын нютаг бүхэнөөр, түб хото Улаан-Үдэдэшье Сагаан һарын найр нааданууд наяржа байна. Арад зоной үндэһэн һайндэртөө хүхихэ, сэнгэхэ һэдэбые дэмжэжэ Буряадаймнай бүхы мэргэжэлтэ соёлшод болон арадай уран бэлигтэн түхэрэен сүүдхын туршада тайзан дээрэһээ буунагүй гээ һаа хэн арсахаб?

Сагаалганай найр наадануудые нютаг нугаһаа холо, ондоо гүрэн түрэ, хотонуудаар ажаһуудаг буряадууд доро дороо эблэржэ, орон нютагаа, аха, дүүгээ, түрэл гаралаа һанан дурсажа, тэмдэглэдэг болонхой. Тэрэ ушарта нютагһаань гэнтэ орожо ерэгшэдтэ айхабтараар баярлажа, тэдээнээ олзуурхажа, өөрөө нютагтаа орожо ерэшөөд байһан мэтэ баярладаг гээшэл.
Нютагһаа холо ябахадаа гунигта абтаха гэжэ байдаг, иимэ ушар гээшэ нэрээл ехэ бэлэг байхал даа.
Тиигэжэ мүнөө жэлэй Сагаалганда, уһан хара Луу жэлые угтажа байһан Шэнэ жэлэй нааданда Буряад драмын академическэ театрай зүжэгшэн, Россиин габьата артист Олег Бабуев, Оперо болон баледэй академическэ театрай дуушан Доржо Шагдуров, тиихэдэ Хурамхаанай аймагаһаа гарбалтай, Зүүн-Сибиириин соёлой академидэ һуража байдаг залуу дуушан Дугарма Цыренова гэгшэд Саха Республикын Мирный, Нерюнгри, Якутск хотонуудаар ажаһуудаг нютагайхидтаа айлшаар зорижо гараба гээшэ.
Сагаан һарын эдэ хэдэн үдэрнүүдэй туршада хүйтэн уларилтай хойто ороной хотонуудаар халуун уулзалганууд болохонь лэ гээшэ бэзэ, хүлеэжэ байгты, хүндэтэ нютагайхиднай!

27 Февраля 2012
http://minkultrb.ru/news/detail.php?SECTION_ID=96&ELEMENT_ID=770
_________________
Хитад хүн заһажа үзэхэ,
Ород хүн хаража үзэхэ,
Буряад хүн барижа үзэхэ.

Обсуждаемое