Энеэртэй ушарнууд. =)))

Добавлено: 12.09.13, 20:46 +0000

Намтай иимэ ушар болоhон. Агынгаа пед колледждо hуража байгаа сагта, түрэhэн нютагтаа зунай лагерьта практика гарахаяа ерэбэб. Би өөрөө тамхи татадаггуй аад, хаяандаа татажархидаг hэм. Тиигээд лагераймнай дорохи байшин соо хятад барилгашанууд байдаг hэн. Мастерынь халта ородоор зугаалдаг байгаа.Тэрэ байшин соонь дүүрэн хятадууд хажуугарни нихао нихао гэлдэжэ ябадаг hэн.
Би Тэрэ хятад мастертай хөөрэлдэhөөр нүхэсоод ходо тамхи эридэг болошонхойб. Yдэрэй хоер гурба лаб дүтэлдэг байгааб. Тиигээд нэгэтэ тэрэ хятадни хайшаабда ошоhон байгаа, би тамхи татахаяа hанашаhан тэрэ байшин руунь ороод хараашалбаб - нэгэ хятад hуугаад тамхилжа байба, шэрээ дээрэнь шара "балканка" байба. Тэрэ хүндэ дүтэлөөд: "Нихао!" гэбэб, тэрэмни тархя дохижо хүдэгэлүүлбэ, би нюдэ руунь хаража байжа барбаадайгаараа ама руугаа харуулжа байжа: "Есть?" гэжэ hурабаб. Тэрэ хүн балканкая намда hарбайба, би тэндэhээн нэгые абаад "Сьесье" гэжэ хэлээд газаа гараад тухайлбаб: "Хаанаhаа намда татадаггуй хүндэ шиирэ байба гээшэбэ". Тиигээд hөөргөө тэрэ хүндэ орожо нюдэ руун хараад, шиирэ носоожо байhан шэнгеэр баруун гараара зүн гараа сохижо "чик-чик" гэhэн абяагаар энээнэ дахуулжа: "Есть!?" гэбэб. Тэрэмни намай харана харана, тиигээд сухалтайгаар, жэнхэни буряад хэлэн дээрэ намда иигэжэ хэлэжэрхибэ: "Иимэ томо болошоод шиирэ галшгуй ябадаг юм ши?, на! өөртөө үлөөгөөрөй!"
Би эшэhэн хэбэртэй: "Благодарю" гээд тэндэhээ гараад бэшэ тиишэй ороогуйб.

Обсуждаемое