Дурандаа

Огторгойн гүнзэгыдэ төөрин,
  далияа гээбэлни,
Ши далинуудни болохо hэнши.
Уулын оройгоор гээгдэн, 
  зүргэеэ алдабални,
Ши зүргэмни болохо hэнши.

Хажуугааршни ябууд үнгэрхын аргагүйл,
Мартагдашагүйл, хэзээшье нюдэнэйш галнууд,
Миралзаhан ододой сэнхир ягаахан миhэрэл
Хурсахан харасаhааш hаргаад лэ унтархал.

Далайн долгинуудта сохюулан,  
  hэльбэеэ урдуулбални, 
Ши hэльбэнүүдни болохо hэнши.
Харанхы hүнидэ хаалган, 
  Зүгөө мартабални,
Ши зүгни болохо hэнши.

Замайшни эхи заха хоёрой мүнхэ hахюуhан 
Шинии түлөө бадарhан сэдьхэлэймни зула
Шэрүүн hалхинда үлеэгдэн унтархагүйл,
Залиршагүйл наhа заяандаашье минии дуран.

10/07/2010 _ 13/07/2010

Посмотреть больше — RSS

Анкета пользователя